عليها تظليل أصلي 1800 ريال

25 24

لايمكنك التصويت حتى الحصول على 20 نقطة على الأقل
إضغط هنا للإخفاء

ابراهيم التركـي 1065
قبل 9 سنه و 6 شهر

السلام عليكم ورحمة الله وبركاته

اليومين هذي أدور لي جمس 2005 او 2006

كنت مقتنع باليوكون او التاهو القصير شكله حلو وتحس السياره ملمومة وحلوه

ولكن شفتها على الطبيعه افتح الشنطه ما فيه مجال تحط ولا اسطوانه غاز او جالون مويه

على طول المرتبه الثالثه قريبه من الباب مافيه مساحة تخزين

الشيء الثاني المرتبه الثالثه تحسها معلقة للتوضيح اكثر مافيه حفرة لمكان الارجل تكرمون

يعني تجلس رافع رجولك شوي ما ترتاح بالجلسه

ولكن الجمس الطويل السوبرمان مساحه خلفية كبيرة وواسعه والمرتبه الثالثه مثل الوسطى

فيه مكان للأرجل وتاخذ راحتك بالجلسه

ولكن الفرق حوالي 10 الاف بالسعر بينهم ولكن ماهو مشكله تشتري شيء يناسبك بالسفر والتحميل

لقيت كيا كرنفال انا عاجبتني كثير من اول موديلات 2011 وطالع

السياره مريحه حتى بالجلسة فيها المرتبه الوسطى والخلفية اريح من الجمس

وراحة السياره بالسفر وداخل المدينه حلوه ولينه بعكس الجمس يناقز شوي

وعزم الكيا جدا ممتاز ولكن نجي للواقع انا بستخدم السياره نقل معلمات ان شاء الله

يعني خارج جدة يوميا 500 كيلو تقريبا رايح جاي او 400 كيلو كحد ادنى

والكيا ما بتتحمل بشكل يومي الممشى هذا

لو كانت سياره عائلية شخصية كانت خيار افضل من الجمس خصوصا الفل كامل

ولكن فريت موقع حراج تحصل حتى الجمس 2010 يجيك يقولك عليها تظليل اصلي 1800 ريال

او غيره

طيب وش تبي اعطيك قيمة التظليل وهو له 5 سنوات راكب على السياره انتهى مفعولة اصلا

نجي نحسبها 5X365 تساوي 1825

يعني التظليل طلع عليك ريال باليوم

استفدت من العزل يوميا بتخفيف الحراره عنك بريال واحد

وجاي بعد 5 سنوات تبي تحسبها على ظهري وهو اصلا خلاص يحتاج تغيير

وكم واحد استهبل عليه بالاعلانات اقوله بشتري منك السياره بدون تظليل

فك التظليل وبيعه لحاله وعطني السياره

يجي يسب ويلعن خير سلامات لا تجي تقول معي فواتير بنزين بعد ابيك تدفعها

الشيء الثاني

الفورد اكسبديشن 2007 الى 2010

اللي شفتهم بالمعارض والحراج اليوم غيرت نظرتي للاكسبديشن ما عاد تنفع

كلها قربة ماء الرديتر رايح لونه بني غامق وكله صداء

ما شفت ولا اكسبديشن القربه لونها ابيض ونظيفه 

فوق هذا الفوردات كلها تجي تفتح الكبوت تحس حراره يا ساتر مولعه

بعكس الجمس 2005 و 2006 تحصل القربة دائما لونها ابيض تحسها كأن لها سنه او اقل على السياره

و الحراره عاديه ما تحس السياره مولعه مثل الفورد

و المكيف الجمس بارد وهو واقف 

اما الاكسبديشن تحسها كلها مكيفاتها ماش ماهي بارده كانها سياره قديمة

لذلك النية ان شاء الله جمس

لكن عندي اشكالية 

اعرف مكينه 8100 اللي يجي 8 مسامير ما ينفع

مكينه كبيرة وعزم ثقيل التورك فيه عالي فقط للتحميل والجر

اما عزم ما ينفع

و ابو 6 مسامير ما ادري المكائن موحده او فيه 1500 و 2500

الكلام عن موديلات 2005 و 2006

اعتقد المكائن موحده

و 1500 و 2500 اعتقد انها موديلات 99 وتحت 

ياليت تصححون معلوماتي لو كنت غلطان ولو كانت فيه فرق بينهم وش الفروقات

الشيء الثاني

الدبل الموديل القديم 99 و تحت القير يختلف اللي فيه دبل او بدون

لكن 2005 و 2006 ما ادري القير نفسه او فيه اختلاف

لقيت z71  و اعجبني والظاهر النية عليه ان شاء الله بروح اشوفه بعد شوي

الحلو بالحراج

ما فيه احد يقولك مظلل اصلي يدري الناس بتستهبل عليه

ولا فيه احد يقولك توني مغير كفرات او مجدد عضلات

يعني تشتري بسعر السوق ما عليك من الاضافات اللي حاطها

بالنسبة للجلد حق الجمس كيف مستواه بالحراره

لو كان مثل جلد الفورد الماركيز والفكتوريا من اللحين علموني عشان اغير نظرتي عنه

لان الفورد الجلد حقه نار مولع حتى لو تركب العصر كأنك داخل فرن

لكن فيه سيارات الجلد حقها بارد وحلو

بالنسبة لقطع الغيار بعد شوي بنقز الصناعية استفسر عن القطع الاستهلاكية

مساعدات وجلد مقصات وغيرها عشان اكون على بينه 

وكمبروسر ودينمو والاشياء الاستهلاكية

لاني اخذت قبل 3 سنوات هوندا اوديسي وخرب الكمبروسر واروح اسأل عنه جديد مسوي كاش

طلع 6000 ريال الكمبروسر فقط بدون رديتر ولا تركيب ولا شيء

كمبروسر لحاله 6000 يعني تحتاج 2000 ريال تنظيف وتركيب لانه يجي علبتين فريون

يعني 8 الاف ريال قيمة كمبروسر بس هذا اللي خلاني ابعد عنها

وكمبروسر الجمس ما اعتقد يوصل ولا ثلث القيمة

مدري وش باقي المهم انتظر ردودكم قبل ما اطلع النايم يصحى ههههههههههههه

إبلاغ

الردود